|
Fagleg og persónuleg þjónusta í blómaskreytingum við öll tækifæri ásamt spennandi framboði á vandaðri gjafavöru setja svip sinn á blómasmiðjuna Bjarkarblóm sem opnuð var laugardaginn 16. ágúst s.l. Eigandi er Elva Björk Jónatansdóttir, sem er lærður blómaskreytir og hefur unnið í faginu s.l. 10 ár, m.a. sem verslunarstjóri í Blómastofu Friðfinns á Suðurlandsbraut. Elva er jafnframt kennari að mennt og stendur fyrir námskeiðum og býður upp á sýnikennslu við ýmis tækifæri.
Þess ber jafnframt að geta að lögð er sérstök áhersla á samúðarvörur og samúðarskreytingar.
Þema Bjarkarblóma er íslensk náttúra og list og á haustmánuðum eru það verk listakvennanna Geggu – Helgu Birgisdóttur og Auðar Gunnarsdóttur sem prýða rýmið ásamt krönsum og skreytingum í íslensku haustlitunum. Af innfluttum gjafavörum má nefna merki á borð við Cult, Bröste og Sia auk þess sem Willow tree englar eru væntanlegir í lok mánaðar.
Í Bjarkarblómi er starfrækt öflug fyrirtækjaþjónusta, alhliða skreytingar til daglegra nota eða við sérstök tækifæri, s.s. vegna viðburða fyrir viðskiptavini eða starfsfólk; kynningar, árshátíðir o.s.frv. Jafnframt er boðið upp skemmtilega nýjung þar sem haldið er utan um afmælisdaga starfsmanna fyrirtækisins og séð um að senda blómvönd eða fallega gjöf frá fyrirtækinu í tilefni dagsins. Þegar líður að jólum verður einnig í boði að setja saman fallegar og listrænar jólagjafir til starfsmanna fyrirtækja.
Verslunin Bjarkarblóm er staðsett í rými Hagkaupa í Smáralind og er opin sem hér segir:
Virka daga frá kl. 10.00 – 20.00 og til 21.00 á fimmtudögum,
laugardaga frá kl. 10-20 og sunnudaga frá kl. 12.00 – 20.00.
Heimasíða blómasmiðjunnar, www.bjarkarblom.is, verður opnuð innan skamms og verður hægt að velja og panta skreytingar við ýmis tilefni á vefnum.
Bjarkarblóm
Elva Björk Jónatansdóttir
Smáralind
Hagasmára 1, 201 Kópavogi
Veffang: www.bjarkarblom.is
Netfang:
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Sími: 578 5075 - 5785076 |
Í Bjarkarblómi fást Willowtree stytturnar sem hannaðar eru af Susan Lordy. Hver og ein á sér nafn sem túlkar einhverja tilfinningu eins og þakklæti,ást,ummhyggju osfrv.Takmark listakonunnar er að sem flestir geti fundið gjöf sem hentar þeirra tilefni.
